Москвада 18 жаштагы кыргызстандык кыз 9-кабаттан кулап каза болду. Бул тууралуу «Turmush» басылмасы маркумдун жакындары кабарлаганын жазды.
Алардын айтымында, Ысык-Көл облусунун Ак-Суу районунун тургуну Д.кызы Н. атуу кыз болгон. Ал ушул жылдын 5-мартында кокустуктан каза болгон. Анын сөөгүн мекенине алып келүү үчүн транспорт каражаттары дайындалууда.
«Нуриза Москвага бир жыл мурда кеткен. Ал жакта анын эжеси бар. Нуриза фитнес-клубдардын биринде иштечү. Ал үй-бүлөсүндө 4 биртуугандын кичүүсү болчу. Ал 2-3 ай мурда турмушка чыгып, Кыргызстанга келген. Нуриза абдан сулуу болгон, ал модель болууну кыялданчу. Тилекке каршы, ал иштеп акча табуу үчүн Москвага кеткен. Ал 9-этаждан кулап кеткенин айтышты. Биз билбейбиз, чындыгында эмне болгонун. Ата-энесине дароо кабар берилген эмес. Эжем окуя тууралуу билүү үчүн ооруканага барыптыр. Эртең Нуризанын сөөгүн жиберишет», — деп айткан кыздын жакындары.
