Ошко Москвадан Кыргызстандын жарандары учуп келди, алардын ичинде 19 медициналык кызматкер бар. Бул тууралуу штабдан билдиришти.

«Ош» эл аралык аэропортунда 18-июлда «Авиа Траффик Компани» авиакомпаниясынын Москва–Ош багыты боюнча чартердик каттамын тосуп алышты.

Анда Кыргызстанга 153 жаран кайтып келди, анын ичинде жаш балдар да бар.

Бортто орундардын саны чектелүү жана Кыргызстанга келүүнү каалагандар көп болгондуктан, аталган каттамга жүргүнчүлөрдүн тизмеси кыргыз диаспорасынын өкүлдөрүнөн, Москвадагы кыргыз медициналык клиникалардын дарыгерлеринен жана Кыргызстандын Орусиядагы элчилигинин кызматкерлеринен турган комиссия тарабынан түзүлдү.