Кыргызстан мусулмандарынын Дин башкармалыгы 2026-жылдагы ажылык сапарга зыяратчыларды ташууну уюштурууга авиакомпаниялар арасында сынак жарыялады.

Документтерди кабыл алуу 6-октябрга чейин, сынак 8-октябрда Бишкек шаарында өтөт.

Сынакка катышуу үчүн авиакомпанияларга коюлган негизги талаптар:

• Сауд Араб Падышалыгынын (САП) эрежелерине жооп берүүчү лицензия жана сертификаттарга ээ болуу;
• Бишкек жана Ош шаарларынан Жидда жана Мадинага түз рейстерди аткаруу мүмкүнчүлүгү;
• Кеминде төрт учакты колдонуу мүмкүнчүлүгү жана 6060 ажыны ташууну камсыздоо;
• Ажыга баруучулар үчүн 30 кг багаж, 10 кг кол жүк жана 5 литр Зам-зам суусу менен камсыздоо;
• Учакта «ХАЛАЛ» стандартындагы ысык тамак менен тейлөө;
• Муфтият менен үзгүлтүксүз байланышта болуу жана бардык документтерди мамлекеттик же расмий тилде берүү.

Сынактын жеңүүчүсү менен келишимде төлөм жана жоопкерчилик, ошондой эле Кыргыз Республикасынын мыйзамдары боюнча келишимге байланыштуу бардык талаш-тартыштарды чечүү тартиби белгиленет.