Кыргызстанда мунапыс берилбей турган кылмыштардын тизмесин толуктоо сунушталууда. Тиешелүү мыйзам долбоору Жогорку Кеңештин сайтында коомдук талкууга чыгарылды.

Мыйзам долбоору депутат Эрнис Айдаралиев тарабынан иштелип чыккан. Ал террордук ишти каржылоо, террордук иштерди жасоого ачык чакырыктар, уюшкан кылмыштуу топторду каржылоо, куралды, ок-дарыларды мыйзамсыз жүгүртүү жана диверсия үчүн соттолгондорго мунапыс бербөөнү сунуштап жатат.