Бүгүн, 8-июнда, Кыргызстандын көрүнүктүү мамлекеттик жана саясий ишмери Мыктыбек Абдылдаев 73 жаш курагында каза болду. Жакындарынын маалыматына караганда, бүгүн анын абалы коомдук тамактануучу жайлардын биринде кескин начарлап, өмүрүн сактап калууга мүмкүн болгон эмес.

Мыктыбек Абдылдаев 1953-жылы 11-августта Аламүдүн районунун Кара-Жыгач айылында туулган. Ал Кыргыз мамлекеттик университетинин юридикалык факультетин аяктаган.

Өмүрүн мамлекеттик кызматка арнаган ишмер бир катар жооптуу кызматтарды аркалаган. Ал ар кайсы жылдары Кыргызстандын Башкы прокурору, Ички иштер министри, президенттик администрациянын жетекчиси болуп иштеген. Ошондой эле Жогорку Кеңештин бир нече чакырылышынын депутаты болгон.

2020-жылдын октябрь окуяларынан кийин Мыктыбек Абдылдаев Жогорку Кеңештин төрагасы болуп шайланып, саясий кризис учурунда парламентти жетектеген. Акыркы жылдары ал Элдик Курултайдын катчылыгынын жетекчиси кызматында эмгектенип келген.