Нарында милиция америкалык туристке жоголгон телефонун таап берди. Бул тууралуу облустук милициядан билдиришти.
Маалыматка караганда, АКШдан келген турист 17-августта Соң-Көлдө эс алып жүрүп iPhone телефонун жоготуп алган. 18-августта ал милицияга кайрылган.
Милициянын кайгуул күзөт кызматынын өзүнчө ротасынын милиционерлери Молдобай Темирбек уулу жана Нуржигит Аскарбек уулу телефонду тез арада таап, ээсине кайтарып берген.
«Өз кезегинде туристтер милиция кызматкерлеринин ыкчам кызматын жогору баалап, ыраазычылык билдиришкен», — деп айтылат маалыматта.
Биздин Телеграм каналга катталыңыз
