Нарын райондук ички иштер бөлүмүнүн жетекчиси үч практикант кызга ыдык көрсөтүүгө шектелип жатканы тууралуу блогер Эртай Искаков өзүнүн соцтармактагы баракчасына жазып чыкты.

“Тергөө адилеттүү карап берет деп ишенебиз жана мындай кадрлар органдан кетүү керек”,- деп айтылат билдирүүдө.

Нарын облустук ИИБдин басма сөз кызматы учурда бул окуя боюнча Ички иликтөө кызматы тарабынан териштирүү иштери жүргүзүлүп жатканын кабарлады. Мекеме териштирүү иштеринин жыйынтыгы менен кошумча маалымат берилерин билдирди.