“Ак-Талаа көмүр” мамлекеттик ишканасы Нарындагы көмүр кенин иштетүү үчүн потенциалдуу инвесторлорду издөөдө. Бул тууралуу 11-июлда Геология жана жер казынасын пайдалануу департаментинин сайтында жарыяланды.

“Ак-Талаа көмүр” мамлекеттик ишканасы жер казынасын пайдалануу укуктарын натыйжалуу ишке ашыруу максатында потенциалдуу инвесторлорду “Турук” көмүр кенин геологиялык чалгындоо жана иштетүү боюнча кызматташууга чакырат”, — деп айтылат маалыматта.

Арыздар маалымат жарыялангандан тартып 30 күн ичинде кабыл алынат. Ал үчүн Нарын облусу, Ак-Талаа району, Баетов айылы, Мырзалымбеков көчөсү, 16 дарегиндеги “Ак-Талаа көмүр” мамлекеттик ишканасына кайрылса болот.

Кошумча маалымат алуу үчүн байланыш номери: +996 701 888 100

Биздин Телеграм каналга катталыңыз