Бишкек — Нарын — Торугарт унаа жолунунда 5 тилкесинде болжолдуу 10000 м3 кар көчкү түшүп жол жабылгандыгына жана кар көчкү түшүү коркунучу сакталгандыгына байланыштуу 17-февралдан тартып, Нарын облусунун аймагына президенттин өкүлүнүн буйругунун негизинде Өзгөчө кырдаал режими киргизилди. Бул тууралуу ӨКМдин басма сөз кызматы билдирди.
Маалыматка караганда, учурда жеринде тазалоо иш-чараларын жүргүзүү максатында Нарын шаардык №16 ӨКБдан 5 куткаруучу, ӨКМдин Куткаруучуларды даярдоочуу мамлекеттик борборунун 1 унаасы, №41 ЖТИден 1 грейдер, 2 жүктөгүч, 2 самосвал, Суу чарба ишканасынан 1 жүктөгүч тартылган.
Мындан сырткары жогору аталган унаа жолдун 265 жана 314 чакырымында КР ИИМдин ЖКККБ тарабынан нөөмөт уюштурулган.
Алдын ала маалымат боюнча жабыргандар жок.
Биздин Телеграм каналга катталыңыз
