Ош облусунун прокуратурасы Ноокат районундагы маданият үйү менен стадион жеке менчикке мыйзамсыз берилип кеткендигин аныктаган. Бул тууралуу Башкы прокуратура билдирди.

Көрүлгөн чаралардын жыйынтыгында, аталган райондун Жаңы-Ноокат айылында жайгашкан маданият үйү 99 сотых жер тилкеси менен, ошондой эле Фрунзе айылында жайгашкан стадион 1 гектар 75 сотых жери менен мамлекетке кайтарылган.

Жогорудагы мүлктөрдүн жалпы баасы 156 млн 965 миң 700 сомду түзөрү айтылды.