№5 Ноокат шайлоо округу боюнча талапкерликке кѳрсѳтүү иши башталды. Бул тууралуу Борбор шайлоо комиссиясы билдирди.
Ага катышуу үчүн Бактыбек Марипов менен Айболот Айдосовдон арыз келип түштү.
Бактыбек Марипов 36 жашта, ал буга чейин айыл өкмөтүн жетектеп, жергиликтүү кеңештин депутаты болгон.
2021-жылкы шайлоодо Ноокат бир мандаттуу округунан депутат болуп шайланган Жусупбек Коргонбай уулунан 1 пайызга аз добуш алып, 2-орунду ээлеген.
Айболот Айдосов 38 жашта, ал буга чейин медиа тармагында жана мамлекеттик кызматта иштеген.
Добуш берүү 30-июнда, Ноокаттан сырткары Ысык-Көл бир мандаттуу округунда дагы өтөт.
