Жалал-Абад облусунун Ноокен районундагы Кызыл-Туу айылында мөмө-жемиш сактоочу транспорттук-логистикалык борбор курулат. Азыркы тапта Ноокен райондук шаар куруу жана архитектура башкармалыгы объектинин эскиздик долбоорун иштеп чыкты.

Курулуш министрлигинин маалыматында, долбоор Кызыл-Туу айылынын Кен-Сай тилкесинде ишке ашырылат. Борбор айыл чарба продукцияларын сактоо, кайра иштетүү жана ташуу үчүн заманбап инфраструктураны түзүүгө багытталган.

Мекеме бул ишкана түшүмдү сапаттуу сактоого жана ички-тышкы рынокторго жеткирүүгө шарт түзөрүн билдирди. Ошондой эле аймакта жаңы жумуш орундарын түзөт. Учурда эскиздик долбоор тиешелүү кароодон өтүп жатканы айтылды.