Бишкекте 10 жаштагы кызды тебелеп кеткен жүк ташуучу унаанын айдоочусу эки айга камалды. Бул тууралуу Жол кайгуул милициясынын маалымат кызматы кабарлады.

Маалыматка караганда, сот айдоочуну тергөө абагына эки айга киргизүү боюнча чечим кабыл алган.

Эске салсак, 22-февралда окуучу кыз токтоп турган фуранын алдынан өтүп бара жатканда жүк ташуучу автоунаа ордунан жылып, кызды тебелеп кеткен. Тилекке каршы, окуучу кырсык болгон жерде каза болгон.

1997-жылы туулган айдоочу А.А. бир нече сааттан кийин Пригородное айылынан кармалган. Милициянын маалыматында, ал кызды байкабай калганын айткан.

“Тунгучта” жүк ташуучу унаа 10 жашар кызды сүзүп кетти (видео)

Биздин Телеграм каналга катталыңыз