Дайынсыз жоголгон 15 жаштагы Нагия Имашова изделүүдө. Ал 21-февраль күнү саат 16:00дө Сокулук айылындагы мектептен чыгып, Арал айылына үйүнө кайтып келген эмес. Бул тууралуу Чүй облустук ички иштер башкы башкармалыгынын басма сөз кызматы билдирди.
«Дайынсыз жоголгон адамдын белгилери: бою 155-160 сантиметр, орто дене түзүлүштө, чачы кара, көзү күрөң. Ал сүт түстөгү күрмө, кара көйнөк шым, кызыл джемпер, ак көйнөк, бутунда кара кышкы өтүк кийип жүргөн», — деп айтылат билдирүүдө.
Изделип жаткан кыз тууралуу билгендер болсо милиция төмөнкү телефондор аркылуу кабарлап коюуну өтүнөт: Чүй облусунун ИИБнын нөөмөт бөлүмүнө — 0312430127 жана 0312438885, Сокулук РИИБдин нөөмөт бөлүмүнө — 0312607567, 0558861486, издөө тобу — 0709353529.
