Талибандын Транспорт министрлиги Өзбекстан, Иран, Пакистан, Түркмөнстан жана Тажикстанга транспорт жана логистика боюнча кеңешчилерин жиберди. Бул тууралуу IRAF маалымат порталы билдирди.

Маалыматка ылайык, мындай чара Ооганстандын жарандары үчүн соода байланыштарын жакшыртуу жана кызматтарды жеңилдетүү максатында жасалууда.

“Ооганстан импорт жана экспорт үчүн коңшу өлкөлөрдүн кургактык жолдоруна катуу көз каранды болгондуктан, ооган соодагерлерин дүйнөлүк рыноктор менен байланыштыруу үчүн аймактык кызматташтыкка жана соода коридорлорун өнүктүрүүгө муктаж. Бул кеңешчилердин негизги милдети — транзиттик тоскоолдуктарды жоюу, экспорттун өсүшүн колдоо жана Афганстандын эл аралык рынокторго жетүүсүн кеңейтүү”- деп айтылат маалыматта.