Санкт-Петербургдун Василеостровский районунда жашы жете элек бала жабыркаган жол кырсыгынын чоо-жайы иликтенүүдө.

78.ru маалымат порталынын укук коргоо органдарындагы булагы маалымдагандай, 7-июнь күнү саат 14:15те Наличная көчөсүндөгү үйлөрдүн биринин жанындагы короодо 30 жаштагы Кыргызстандын жараны Kia Rio унаасын айдап баратып, тротуардан жолдун четине чейин велосипед тээп бара жаткан 3-класстын окуучусун сүзүп алган.

Кырсыктын кесепетинен 10 жаштагы бала ар кандай жаракаттар менен орточо оор абалда ооруканага түшкөн. Кырсык болгон учурда анын жанында чоңдор жок болгон. Окуя текшерилүүдө.