Кыргызстандын Улуттук банкы инфляцияны көзөмөлдөө жана баанын өсүшүн басаңдатуу максатында эсептик ченди 9,25%дан 10%га чейин жогорулатты.

Мекеменин маалыматына ылайык, бул чечим ички жана тышкы инфляциялык факторлорду талдоонун негизинде, ошондой эле келечекке багытталган акча-кредит саясатын эске алуу менен кабыл алынды.

Учурда өлкөдөгү жылдык инфляция 8,4% деңгээлинде. Улуттук банк аны 5–7% чегинде кармоону максат кылууда.

Эсептик чен — банктар үчүн акчанын наркын аныктоочу негизги көрсөткүч. Чен жогорулаганда банктар үчүн акча кымбаттап, натыйжада калк жана бизнес үчүн насыянын пайызы өсөт.