Ош облусунда 13 жылдан бери дайынсыз болуп жаткан Чыңгыз Турдумамат уулу изделүүдө. Бул тууралуу облустук милициядан билдиришти.
Маалыматка караганда, 2010-жылы 20-июнь күнү Өзгөн райондук милицияга Обком айылынын тургуну Айнура Кайлубаева кайрылып, 1995-жылдын 1-сентябрында туулган уулу Чыңгыз Турдумамат уулу 14-июнь күнү болжол менен саат 13:30да үйүнөн чыгып кеткен бойдон дайынсыз болуп жатканын билдирген.
Бул окуя боюнча топтолгон материалдар каттоого алынып, издөө иштери башталган.
Кийген кийимдери: боз түстөгү футболка, кара түстөгү шым, боз түстөгү бут кийим.
Өзгөчө белгилери: бою 160-165 см, орто дене түзүлүшү, ак жуумал, чап жаак, чачы кара, кыска, көзү-кашы кара.
Милиция дайынсыз болуп жаткан Чыңгыз Турдумамат уулу тууралуу маалыматы бар жарандарды 03233 5 06 36, 0550 33 43 23, 0779 33 43 23 же 0553 11 63 93 номерине кабар берүүсүн суранат.
Биздин Телеграм каналга катталыңыз
