Оштогу борбордук аянтка чогулгандар Алмазбек Атамбаев менен Сапар Исаковдун кайра камалуусун талап кылышууда. Интернет булактарына жарыяланган видеолордон бул кырдаалга мурдагы өлкө башчыны айыптаган билдирүүлөрдү көрүүгө болот.

Оор беренелер менен айыпталып, түрмөдө отурган мурдагы президент Алмазбек Атамбаев менен экс премьер-министр Сапар Исаковду тарапташтары камактан 6-октябрга караган түнү бошотуп алышкан.
Ал эми Ош шаарына бүгүн “Биримдик” партиясынын тарапташтары чогулуп, митингге лидер катары катышкан президенттин иниси Асылбек Жээнбеков бийликти алып түшүүгө каршы экенин билдирген болчу. Киийнчирээк акцияга шайлоонун жыйынтыгына нааразы тараптар да кошулган. Учурда митинг уланууда.