Ош шаарында муниципалдык күрөш залы курула баштады. Бул тууралуу мэриядан билдиришти.

Сай-Бою көчөсүндө салына баштаган муниципалдык күрөш залынын курулушу менен мэр Бакытбек Жетигенов таанышкан.

“Шаар башчысы курулуш иштерин сапаттуу жана белгиленген убактысында бүткөрүү боюнча тиешелүү тапшырмаларды берди.

Аталган мекемеде спортчулар үчүн бардык шарттар түзүлүп, жуунучу, кийим алмаштыруучу жайлар, машыктыруучулар үчүн бөлмөлөр болот. Курулуштун жалпы аянты 588 чарчы метрди түзүп, улан, кыздардын машыгуусу үчүн ылайыкталган”, – деп айтылат маалыматта.