.svg){kind=logo}
Кабминде социалдык коргоо тармагындагы негизги көйгөйлөр белгилендиКазакстандагы жол кырсыгынан кыргызстандык жаран каза болдуБишкекте Улуттук педагогикалык форум өтүүдө«Кыргыз керемети» жана «Мосфильм»: кадр артында калган окуяларКыргызстанда 8 райондо суу менен камсыз кылуучу райондук ишканалар түзүлөтКыргызстанда социалдык кызматкерлердин айлык акысы 40 миң сомго чейин көтөрүлдү
Ошто салыктан түшкөн каражаттын бир бөлүгү шаар бюджетине калтырылат
27.05.2026 | 12:19
Өлкө башчы Садыр Жапаров Ош шаарында салыктан түшкөн каражаттардын бир бөлүгүн калаа бюджетине калтыруу боюнча пилоттук долбоорду киргизген жарлыкка койду. Бул тууралуу президенттин басма сөз кызматы билдирди.
Документке ылайык, 2026-жылдын 1-июнунан баштап 2027-жылдын 1-июнуна чейин Ош шаарындагы төмөнкү салыктардын бир бөлүгү жергиликтүү бюджетке которулат. Алар:
- сатуудан алынуучу салыктын 50%ы;
- бирдиктүү салыктын 15%ы.
Финансы министрлигине салыктык түшүүлөрдү эсепке алуу механизмин иштеп чыгуу, киргизүү жана долбоор аяктагандан кийин анын натыйжалуулугуна талдоо жүргүзүү тапшырылды. Талдоонун негизинде бул тажрыйбаны кеңейтүү боюнча сунуштар киргизилет. Жарлык 2026-жылдын 1-июнунан тартып күчүнө кирет.
