Ошто жубайлар алдамчылык менен кармалды. Бул тууралуу шаардык ички иштер бөлүмүнөн билдиришти.
Белгиленгендей, бир нече таксист арыз менен милицияга кайрылган. Алар белгисиз адамдар сүйлөшүүнү суранып, телефондорун уурдап кетишкенин билдиришкен. Алардын бири анын унаасына белгисиз кыз отурганын айтып, ал аны керектүү жерге айдап барганда апасына чалыш үчүн телефон сураган. Анан ал унаадан түшүп телефонун бербей кетип калган.
Кылмышка шектүүлөр жубайлар кармалды. Экөө тең мурда соттолгон.
Аталган факты боюнча КРнын Кылмыш-жаза кодексинин 209-беренеси «Алдамчылык» боюнча кылмыш иши козголду. Учурда тергөө иштери жүрүп жатат.
Жолдошу убактылуу кармоочу жайга, жубайы кош бойлуу болгонуна байланыштуу үй камагына чыгарылган.
Ош шаардык ички иштер башкармалыгы кылмыштуу жубайлардын аракетинен жабыр тарткандарды 0550880808, 0779861579 номурлары аркылуу кабарлап коюуну өтүнөт.
