16 жаштагы кызды зордуктоого айыпталып жаткан эки жаранды камактан бошоткон Свердлов райондук соту Жаналы Батырбеков кызматтан кетти. Бул тууралуу Жогорку соттун басма сөз кызматы билдирди.

Маалыматка караганда, 8-июлда Соттор кеңешине ыйгарым укуктарын мөөнөтүнөн мурда токтотуу тууралуу арыз келип түшкөн.

“Жаналы Батырбековдун кызматтан кетишине анын мындай чечими менен сот системасына көлөкө түшүргөнү себеп болду”, – деп айтылат маалыматта.

Буга чейин Бишкек шаарынын Свердлов райондук соту 8-июлда 16 жаштагы кызды зордуктоого шектелген эки айыпталуучунун баш коргоо чарасын өзгөртүп, аларды камактан бошоткону маалымдалган.