Токмок шаарында жашы жете элек кызга карата жасалган кылмыш  боюнча социалдык тармактарда тараган маалымат Ички иштер министрлигинин жетекчилигинин жеке көзөмөлүнө алынды.  Бул тууралуу ИИМдин басма сөз кызматы билдирди.

Маалыматка караганда, бул ишти ар тараптуу тергөө үчүн ИИМдин Тергөө кызматына тапшырылды. Андан сырткары, ИИМдин Ички иликтөө кызматына Чүй ОИИББдин жетекчилиги менен кызматкерлеринин аракеттерин текшерүү тапшырмасы берилди.

Буга чейин Токмок шаарында милицияга арыз менен кайрылган аял анын 16 жаштагы кызы зордукталгандыгын билдирген.