Өзбекстандын президенти Шавкат Мирзиёев, Кыргызстандын президенти Садыр Жапаров жана Тажикстандын президенти Эмомали Рахмон Астана шаарына «Келечек оюндары — 2026» эл аралык турниринин ачылыш аземине катышуу үчүн жөнөп кетишти. Бул тууралуу Акордонун басма сөз кызматы билдирди.

Бүгүн ачылыш аземинде Казакстандын президенти Касым-Жомарт Токаев сөз сүйлөйт. Эл аралык көп спорттук турнир 29-июлдан 9-августка чейин Астанада өтүп, ага 34 өлкөдөн келген 800дөн ашуун спортчу катышат.

«Келечек оюндары» санариптик жана салттуу спорт түрлөрүн айкалыштырган мелдеш болуп саналат. Алгач катышуучулар оюн приставкасында, компьютерде же мобилдик түзмөктө санариптик форматта күч сынашат. Андан соң мелдештин экинчи этабы физикалык форматта, мисалы футбол талаасында улантылат.

Эске салсак, үстүбүздөгү жылдын апрель айында Касым-Жомарт Токаев интерактивдүү форматта турнирдин башталышына карата артка санакты расмий түрдө баштаган. Ошол учурда ага фиджитал-баскетбол, фиджитал-футбол, MOBA Mobile, MOBA PC, фиджитал-жекеме-жекелер сыяктуу негизги дисциплиналар жана мелдештин форматы тааныштырылган.