Өзбекстандан Кыргызстанга келе жаткан 21 тонна дарбыз өлкөгө киргизилбей, кайра артка кайтарылды. Бул тууралуу Айыл чарба министрлиги билдирди.

Маалыматка ылайык, 28-майда «Достук» өткөрмө пунктунда фитосанитардык көзөмөл жүргүзүлүп, жогоруда аталган жүк текшерилген. Анын жыйынтыгында продукциянын таңгагында милдеттүү маркировканын жоктугу аныкталган.

Мекеме бул ЕАЭБдин карантиндик фитосанитардык талаптарын бузуу болуп саналарын билдирди. Натыйжада жүктү Кыргызстандын аймагына киргизүүгө тыюу салынып, дарбыздар Өзбекстанга кайра кайтарылган.