Ош облусунун Өзгөн райондук сотунун имаратынан качкан айыпталуучу укук коргоо кызматкерлери тарабынан кармалды. Бул тууралуу ИИМдин басма сөз кызматы билдирди.

Маалыматка ылайык, бүгүн, 29-майда, «Зордуктоо» беренеси менен айыпталып жаткан 34 жаштагы жарандын иши сотто каралып жаткан. Саат 14:20 чамасында ал сот имаратынын ажатканасынан качып кеткен.

Окуяга байланыштуу Ош облустук ички иштер башкармалыгында «Сирена» планы киргизилип, издөө иштерине 130дан ашык кызматкер тартылган. Көрүлгөн чаралардын жана «Коопсуз өлкө» долбоорунун видеокөзөмөл камераларынын жардамы менен качкан жаран аныкталып, кармалган. Учурда аталган факт боюнча териштирүү иштери жүргүзүлүп жатканы айтылды.