Жогорку Кеңештин депутаттары  кумарканаларды, оюн автоматтары бар залдарды жана лотереяларды ачуу тууралуу мыйзам долбоорун жабык карап жатат.  Бул маселени жабык кароону президенттин парламенттеги өкүлү Алмасбек Абытов сунуштады.

Каралып жаткан мыйзам долбооруна ылайык, кумарканаларды юридикалык, анын ичинде чет өлкөлүк тараптар ача алат. Кыргызстандын жарандарына жана 21 жашка чыга элек чет өлкөлүктөргө кирүүгө тыюу салынат.

Максаты инвестицияларды тартуу, республикалык бюджеттин киреше бөлүгүн көбөйтүү үчүн шарт түзүү экени айтылат.

Буга чейин президент Садыр Жапаров колдоп чыккан болчу.