Курулуш министрлиги Кемин районунун Хутор 4 аймагында мыйзамсыз курулуп жаткан заводду аныктады. Текшерүүнүн жүрүшүндө «Комбикорм заводу» тиешелүү уруксат кагаздары жок курулуп жатканы белгилүү болгон.

Мекеменин маалыматында, аталган объект ошондой эле мамлекеттик бирдиктүү курулуш реестрине катталбаганы такталган. Бул аракеттер «Шаар куруу жана архитектура жөнүндө» мыйзамдын талаптарына каршы келет.

Мыйзам бузуулардын негизинде «БМ» ЖЧКсына 200 миң сом айып пул салынып, кемчиликтерди жоюу боюнча көрсөтмөлөр берилген. Министрлик курулуш компанияларын техникалык талаптарды жана мыйзамдарды так сактоого чакырды.