Кыргызстандык балбан кыз Айсулуу Тыныбекова (62 кг) Zagreb Open рейтингдик мелдешиндеги биринчи беттешин жеңиш менен баштады.

Тыныбекова таймашты квалификациялык баскычтан баштап, алкачкы беттешинде америкалык Адауго Нвачукву менен күч сынашты. Кармаштын жүрүшүндө атаандашы пассивдүү күрөшкөнү үчүн Тыныбековага эки жолу бирден упай берилди, андан кийин беттештин аяктарында Айсулуу Тыныбекова 2 упайлык ыкма жасап, жыйынтыгында 4:0 эсебинде жеңишке жетти.

1/8 финалда ал кытайлык Яру Ву менен күрөшөт.

Эскерте кетсек, мелдеш Хорватияда өтүүдө.