Новосибирск шаарында 44 жаштагы кыргызстандык тазалыкчы жети миллион рубль салынган баштыкты уурдаганы үчүн 2,5 жылга соттолду. Бул тууралуу Орусиянын Октябрь райондук сотунун сайты билдирет.
Андагы маалыматка караганда, Айнагүл Борбуева 2021-жылдын 4-ноябрында таңга маал Добролюбова көчөсүндөгү №1 үйдүн жанынан тротуардан ичинде акча салынган баштыкты байкап калып, аны алып кетип, окуя болгон жерден качып кеткен.
Аял бул иште акча жок экенин айтууда. Бирок сот ага карабай аны күнөөлүү деп таап, 2 жыл 6 айга түзөтүү колониясына кескен.
Иштин далили катары ишкердин өзүнүн сөздөрү жана аялдын сумканы кантип алып жатканын видеокөзөмөл камераларынын жазуулары көрсөткөн. Тергөө учурунда аял ТИЗОдо болгон.
Телеграм каналыбызга катталыңыз
