Россиянын Тюмень облусунда ит балыкчыны атып алып, ал адам ошол жерде каза болгон. Аталган окуя боюнча иш эми сотто каралат. Бул тууралуу россиялык ММКлар жазды.

Маалым болгондой, былтыр 30-октябрда эки дос Чоң Шишкарым көлүнө балык уулоого барган. Алардын бири жанына мылтык алып алган. Көлгө жеткенден кийин ал октолгон мылтыкты чананын үстүнө ачык калтырып койгон. Бир кезде арабанын жанында ойноп жаткан иттердин бири мылтыкты басып алып, ок балыкчылардын бирине тийген. Ок жеген адам окуя жеринде каза болгон.

Аталган окуяга байланыштуу мылтыктын ээси этиятсыздыктан өлүмгө алып келүү беренеси боюнча айыпталууда. Ал ок атуучу курал менен колдонуу эрежелерин бузганы, шалаакылык жасаганы айтылат.

Сот 6-февралга белгиленген.

Биздин Телеграм каналга катталыңыз