Тышкы иштер министри Руслан Казакбаев Украинанын Кыргызстандагы элчиси Валерий Жовтенко менен жолугушту.

Элчи Украинада болуп жаткан окуялар тууралуу кеңири маалымат берди.

Министр Казакбаев жаңжалды тез арада жөнгө салууга үмүт артып, ошондой эле сүйлөшүүлөрдүн жаңы форматтарын издөө зарылдыгын белгиледи.

Ошондой эле эки тараптуу күн тартибиндеги маселелер, анын ичинде быйылкы дипломатиялык мамилелердин 30 жылдыгын эске алуу талкууланды.

Белгилей кетсек, 24-февралга караган түнү Орусиянын президенти Владимир Путин Донбасска орус аскерлери киргизилгенин жана аскердик атайын операция башталганын расмий билдирген.