Президент жарандарды жаратылышка аяр мамиле жасап, табиятты булгабоого чакырды. Садыр Жапаров тоодо таштанды терип жүргөн видеосун Facebook баракчасына жүктөдү.

Ал эс алууга чыккан кезде экологияны таза кармап, акыр-чикирди шаарга алып барып, атайын жайларга салууга чакырды.

“Башка жактан келип бирөө жарым жаратылышыбызды тазалап бербейт. Бир күн менен жашабайлычы. Эртең балдарың, бүрсүгүнү неберелериң келип эс алат го акыры. Сабатсыздар таштаганды, сабаттуулар терип алып кеткиле”, – дейт өлкө башчысы.