Ушул жылдын 1-июлунан тарта күч органдарынын офицердик курамынын эмгек акысы орто эсеп менен 35 %га көбөйөт. Бул тууралуу өлкө башчы бүгүн, 8-майда Ала-Тоо аянтында өтүп жаткан Жеңиш майрамына арналган парадда билдирди.

Садыр Жапаров ошондой эле контракттык кызматтагы аскер кызматчыларынын маянасы 1-ноябрдан баштап 35%га көбөйтүлөрү пландалып жатканын айтты.

“Бул аракеттер жөн гана колдоо чарасы эмес, бул – Мекенди коргоо кызматындагылардын күнү-түнү көз ирмебей “Эл четинде – жоо бетинде” тургандагы мээнетин баалоо болуп эсептелет. Тагыраак айтканда, биз коргонуу жөндөмдүүлүгүбүздү чыңдап жатабыз”,- деди ал өз сөзүндө.