.svg){kind=logo}
Шакира 18-октябрда Бишкекте концерт берет — билеттер 1-октябрда сатыла баштайт«Бишкекгаз» Ленинское айылында 30-сентябрдан 2-октябрга чейин газ берүүнү токтототКыргызстанда санариптик далилдерди мыйзамдаштырып, виртуалдык активдерге камак салуу сунушталуудаБишкекте үй-тиричилик товарларын жана техникаларын чыгарган өндүрүштүк аянтча ачылдыКыргызстанда кайсы өсүмдүктөрдү жыйноого, колдонууга жана сатууга болбойтБишкектеги Г. Айтиев атындагы музейде байыркы кол жазмалар тууралуу лекция өтөт
Садыр Жапаров менен Ильхам Алиев Чолпон-Атада сүйлөшүүлөрдү башташты
31.07.2026 | 11:54
Чолпон-Ата шаарында Кыргызстанга мамлекеттик сапар менен келген Азербайжандын президенти Ильхам Алиевди Кыргызстандын президенти Садыр Жапаровдун расмий тосуп алуу аземи өттү.
Мамлекет башчыларын расмий тосуп алуу аземи Чолпон-Атадагы «Рух-Ордо» маданий борборунда болду.
Өз ара саламдашкандан кийин президенттер Ардактуу кароол ротасынын командиринин рапортун кабыл алышты. Андан соң Кыргызстандын жана Азербайжандын мамлекеттик гимндери жаңырды.
Ушундан кийин президенттер Ардактуу кароол ротасынын тизимин кыдырып чыгышты.
Ильхам Алиев аскер кызматкерлери менен: «Салам, аскер!» — деп саламдашты. Андан соң эки өлкөнүн лидерлери байыркы зоот кийген этно-жоокерлердин алдынан өтүп, андан кийин расмий делегацияларынын мүчөлөрү менен тааныштырышты.
Биргелешип сүрөткө түшүү аземи аяктагандан кийин Садыр Жапаров менен Ильхам Алиев атайын тигилген боз үйгө өтүп, бетме-бет форматындагы сүйлөшүүлөрдү башташты.
