Самарканд шаарында Түрк мамлекеттер уюмуна (ТМУ) катышуучу-өлкөлөрдүн башчыларынын Саммитинин тогузунчу жыйынынын жыйынтыгында бир катар документтерге кол коюлду.
Уюмга мүчө-мамлекеттер — Кыргызстандын, Азербайжандын, Казакстандын, Түркиянын, Өзбекстандын башчылары төмөнкү документтерге кол коюшту:
— Түрк мамлекеттер уюмунун 9-Саммитинин Самарканд декларациясы;
— «Түрк тилдүү мамлекеттердин кызматташтыгынын Кеңешин түзүү боюнча Нахичевань макулдашуусуна» өзгөртүү киргизүү жөнүндө протокол;
— «Түрк мамлекеттер уюмунун процедуралар эрежеси» жөнүндө чечим;
— «Түрк мамлекеттер уюмунун соодага көмөктөшүү стратегиясы» жөнүндө чечим;
— «Түрк мамлекеттер уюмунун Башкы катчысын дайындоо» жөнүндө чечим;
Ошондой эле төмөнкүдөй чечимдер кабыл алынды:
— Түрк мамлекеттер уюмуна мүчө-мамлекеттердин өкмөттөрүнүн ортосундагы эл аралык бириктирилген ташуулар жөнүндө макулдашуу жөнүндө;
— Түрк мамлекеттер уюмуна мүчө-мамлекеттердин өкмөттөрүнүн ортосундагы бажы коридорун жөнөкөйлөтүү боюнча макулдашуу жөнүндө;
— Түрк мамлекеттер уюмуна мүчө-мамлекеттердин тиешелүү мекемелеринин ортосундагы персоналды башкаруунун санариптик системалары боюнча өз ара түшүнүшүү меморандуму жөнүндө.
Биздин Телеграм каналга катталыңыз
