Бүгүн, 11-ноябрда Бишкек шаардык сотунда саясатчы Жеңиш Молдокматовдун баш коргоо чарасы каралды.
“Массалык башаламандык уюштурууга даярдык көргөн” деген айып менен кармалган Молдокматов 20-декабрга чейин камакта калтырылды.
Соттук отурумда Жеңиш Молдокматов коомдук жана саясий ишмер Дооронбек Садырбаевдин сөзүн эске салды.
Эскерте кетсек, 22-октябрда Кемпир-Абад суу сактагычын коргоо комитети түзүлгөн. Анын курамына активисттер, саясатчылар жана депутаттар кирген. 23-октябрда массалык тинтүү иштери башталып, 20дан ашык адам кармалып, алар 48 саатка камалган.
24-октябрда Бишкек шаарында Кемпир-Абад суу сактагычынын астындагы жердин Өзбекстанга берилишине жана активист, саясатчылардын камалышына каршы жөө жүрүш өткөн. 25-октябрда Биринчи май райондук соту тарабынан алар эки айга камакка алынган.
Активист жана саясатчылардын камалышы боюнча ИИМ түшүндүрмө берип, Кылмыш-жаза кодексинин 36-278-беренеси «Массалык баш аламандыктарды уюштурууга даярдануу» менен козголгон кылмыш иши боюнча тергөө амалдары жүргүзүлүп жатканын билдирген.
Биздин Телеграм каналга катталыңыз
