Россиянын Коопсуздук кеңешинин катчысы Сергей Шойгу ШКУга мүчө өлкөлөрдүн Коопсуздук кеңештеринин катчыларынын 21-жолугушуусуна катышуу үчүн Бишкекке келди.

Катышуучулар терроризмге жана экстремизмге, курал-жарак менен баңгизаттарды мыйзамсыз жүгүртүүгө, адам сатууга жана кылмыштуулуктун башка түрлөрүнө каршы күрөшүүдө ШКУ өлкөлөрүнүн кызматташтыгын жана өз ара аракеттенүүсүн өнүктүрүү маселелерин талкуулашат деп күтүлүүдө. Россиянын Коопсуздук кеңешинин катчысы Сергей Шойгу эл аралык коопсуздук чөйрөсүндөгү кырдаалга баа берип, сөз сүйлөйт.

Мындан тышкары, жыйында ШКУнун Башкы катчысы жана уюмдун Аймактык антитеррордук түзүмүнүн (РАТТ) Аткаруу комитетинин директору баяндама жасайт.