Борбордук шайлоо комиссиясынын расмий сайтында, парламенттик шайлоого бир мандаттуу округдан аттана тургандардын саны 92ге жеткени жазылды. Анын ичинен журналисттерден дагы депутат болууну каалагандар бар.

1. Амантур Мусагул уулу №32 Кочкор округу менен шайлоого катышаарын билдирген. Мусагулов “Де-Факто” гезитинин башкы редактору. Буга чейин бир катар саясий гезиттерде иштеп жүргөн.
2. Замир Казакбаев № 34 Жети-Өгүз округу боюнча барганы жатат. Ал буга чейин “Миң Кыял” радиосунда, КТРК, ЭлТР каналында иштеп жүргөн. Соңку жылдары эркин журналист катары ишмердүүлүгүн жүргүзүп келүүдө.
3. Нурлан Шакиев №17 Аксы округунан шайлоого катышаарын шардана кылды. Экс-президенттин пресс-катчысы, ЭлТРдин башкы директору, Маданият, маалымат жана туризм министри болуп эмгектенген. Ушул тапта NEWTV телеканалынын башкы директору, айрым маалыматтарга караганда жеке теле каналы.

Шайлоо 28-ноябрда болот.