Шайлоо участкаларына жалпы 2,5 миллиондон ашуун медициналык коргонуучу каражаттар таратылды. Бул тууралуу маалымат жыйында Борбордук шайлоо комиссиясынын мүчөсү Абдыжапар Бекматов билдирди.
Анын айтымында ошондой эле 3,5 миңден ашуун медиктер иш алып барып жатат.
«Шайлоо учаскаларында медициналык коопсуздукту сактоо максатына 2,5 миллиондон ашуун коргонуучу каражаттар таратылды. Алардын ичинде беткаптар, антисептиктер ж.б ушул сыяктуу каражаттар камтылган. Ошондой эле медиктер шайлоочулардын дене табын өлчөп, шайлоо участкаларында улам-улам дезинфекциялоо жүрүп турат», — деди Бекматов.
