Ош облусунун Кара-Суу районунда 48 жаштагы жаран милиция кызматкерине пара берип жаткан учурда кармалды. Бул тууралуу облустук милиция кабарлады.

Маалыматка ылайык, бир жаран Кара-Суу райондук милициясында тергелип жаткан кылмыш иши боюнча оң чечим чыгаруу үчүн милиция кызматкерине 50 миң сом пара сунуштаган.

Аталган факты боюнча Кылмыш-жаза кодексинин 345-беренесинин (пара берүү) негизинде кылмыш иши козголгон.

Милиция билдиргендей, 18-мартта аталган акчанын 20 миң сомун берип жатканда 48 жаштагы район тургуну (Р.Б.) кармалган.

Учурда тергөө уланып жатат.