Улуттук коопсуздук боюнча мамлекеттик комитет (УКМК) Сокулук айыл өкмөтүндөгү Айыл чарба багытындагы жерлердин мамлекеттик фондуна таандык 20 гектар жер тилкесин аныктады.

Иликтөөнүн жүрүшүндө бул жер 1992-жылдан бери мамлекеттик каттоо органдарынын маалымат базасында жок экени жана белгисиз адамдар тарабынан пайдаланылып келгени такталган. Ошондой эле аталган тилке үчүн ижара акысы төлөнгөн эмес.

Жүргүзүлгөн иш-чаралардын жыйынтыгында 20 гектар жер мамлекеттин балансына кайтарылды.