Нарын облусундагы Соң-Көл көлүнөн 5 300 метрден ашык синтетикалык балык уулоочу тор чыгарылды. Бул тууралуу Жаратылыш ресурстары министрлиги билдирди.

20–21-июнь күндөрү Соң-Көлдө атайын рейддер өткөрүлүп, ага Экотехкөзөмөл кызматынын жана Каратал-Жапырык мамлекеттик коругунун кызматкерлери катышкан. Рейд учурунда көлгө мыйзамсыз торлор салынганы аныкталып, тазаланган.

Экотехкөзөмөл кызматы мыйзамсыз балык уулоого каршы иш-чаралар үзгүлтүксүз улантыларын билдирди. Бул иштер Президенттин №172 Жарлыгынын алкагында көлдүн экосистемасын жана балык ресурстарын сактоо максатында аткарылууда.