Бишкек — Ош автоунаа жолунун «Сосновка» жана «Арал» постунда оор жүк ташуучу автоунааларга бүгүн саат 11:40 чектөө киргизди. Бул тууралуу Өзгөчө кырдаалдар министрлигинен билдиришти.
Маалыматка караганда, аталган жолдун Ала-Бел ашуусунда кар калың жаганына байланыштуу оор жүк ташуучу унааларга убактылуу чектөө коюлган.
Жеринде №23 жол тейлөө кызматы айдоочуларга ыңгайлуу шарт жаратуу максатында жолго кум себүү жана карды тазалоо жумуштарын алып барышууда.
ӨКМ узак жолго чыккан айдоочулар «112» бирдиктүү номери аркылуу жолдогу акыркы кырдаал тууралуу маалымат алып, андан соң узак жолго чыгууну сунуштайт.
Биздин Телеграм каналга катталыңыз
