Бишкектин Биринчи май райондук соту саясатчы Равшан Жээнбековдун жардамчысы Айсулуу Кудайбердиеваны 2019-жылы чек арадан туура эмес өткөнү үчүн күнөөлүү деп тапты. Бул тууралуу Кудайбердиеванын жактоочусу Бактыбек Автандил «Фейбугуна» билдирди.
Жактоочунун маалыматына ылайык, Айсулуу Кудайбердиева жоопкерчиликке тартуу мөөнөтү өткөнүнө байланыштуу жазадан бошотулду.
«Айсулуу чек арачыга паспортун көрсөтүп, Тажикстан менен чек арадан мыйзамдуу түрдө өткөн. Айыптоо тарап анын чек арадан мыйзамсыз өткөнү боюнча эч кандай далил келтире алган жок», — деп жазган жактоочу.
Белгилей кетсек, Бишкектин Биринчи май райондук соту 14-февралда карай баштаган.
