Камактагы саясатчы Бактыбек Калмаматов соттун чечими менен бошотулду. Бул тууралуу Бишкек шаардык соттун басма сөз кызматы билдирди.
Маалыматка караганда, бүгүн, 20-январда Бишкек шаардык сотунун коллегиясы Калмаматовдун баш коргоо чарасын өзгөртүп, аны үй камагына чыгарды.
Буга чейин Бишкек шаарынын Биринчи Май райондук соту 11-январда Бактыбек Калмаматовдун кармалышынын мыйзамдуулугу боюнча жактоочуларынын арызы каралып, аны бошотуу өтүнүчү канааттандырылган эмес болчу.
Бактыбек Калмаматов 22-декабрда түнкүсүн «Манас» аэропортунан кармалган. Ага «расалык, этностук, улуттук, диний же аймактар аралык кастыкты козутуу» беренеси менен айып тагылган.
