Жогорку Кеңештин депутаты Дастан Бекешев суррогат энеликти жарнамалоого тыюу салууну сунуштайт. Бул тууралуу ал  өзүнүн Telegram каналында билдирди.

Анын айтымында, Кыргызстанда катталбаган клиникаларга суррогат энелерди издөөгө бөгөт коюу зарыл. Депутаттын демилгеси кыргызстандык аялдардын укугун коргоого багытталат.

“Иран, Кытай жарандары келип, Кыргызстанда акчага муктаж аялдарды суррогат эне болууга үндөшөт. Анан аларды Кипр, Грузияга алып чыгып кетет. Ал жакта кокус боюнан түшүп калса, эч нерсе төлөп беришпейт”, – дейт Дастан Бекешев.

Депутат демилгесин  «Коомдук саламаттык жөнүндө» мыйзам долбооруна сунуштайт.

Мыйзам долбоор бүгүн парламентте экинчи окууда каралат.

Биздин Телеграм каналга катталыңыз