Кыргызстандык суучул Денис Петрашов Париждеги Олимпиада оюндарында 14-орунду ээледи.

Петрашов брасс ыкмасы менен 200 метр аралыктагы жарышка катышып, 16 мыкты суучулдун катарында жарым финалга чыккан. Ал эми жарым финалда ал марага 2 мүнөт 10,19 секундда келип, жыйынтыгында 14-орунга татыды. Бирок ал финалга өтө алган жок. Финалга убакыт боюнча марага эрте келген 8 спортчу чыкты.

Эскерте кетсек, Денис Петрашов Париждеги оюндардын алкагында экинчи ирет жарышка чыкты. Ал 27-июлда 100 метр аралыктагы жарышка катышып, 23-орунду ээлеген.

Петрашов үчүнчү ирет Олимпиада оюндарына катышты.

https://reporter.kg/olimpiada-suuchul-denis-petrashov-zharym-finalga-chykty/