Бүгүн, 23-майга караган түнү Жалал-Абад облусунун Сузак районундагы Комсомол айылынын жеке менчик мектебинен өрт чыккан. Бул тууралуу ӨКМ билдирди.

Тилсиз жоо саат 02:34тө чектөөгө алынып, 03:34тө толук өчүрүлгөн.

Алдын ала маалыматтар боюнча, өрттүн жалпы аянты болжол менен 1800 чарчы метрди түзүп, мектептин 3-кабаты өрттөнгөн. Жабыркагандар жок.

Учурда атайын комиссия курамы түзүлүп, өрттүн келип чыгуу себептери, материалдык чыгымдарды тактоо жумуштарын алып барышууда.

Аталган мектеп 2016-жылдан баштап иштейт, анда 400дөн ашуун окуучу билим алат.